马迷评赌马和看马赛：赌还赌 睇还睇

ws88ws

站在博彩角度，赛马并无中间位，不会有友谊第一、比赛第二，甚么虽败犹荣等等，真正系成王败寇，赢就赢、输就输。现实系残酷，但博彩活动由古至今，定律没有变过，赌W，输个马鼻，唔可以回水（除非每注买多过一万）；买三T，中8隻半（其中1驹影相跑第四），一样唔会中到正奖，游戏规则系咁，有份参与，便要遵守。

如果退后一步，情况将会好唔同，唔系以投注人身份，而系以欣赏心态，胜负便属其次，就算阁下锺意嗰匹马，最终未能以首名过终点，如果人与马已跑出水准，输了亦拍烂手掌。

睇赛事片不应先入为主

之所以，有时翻睇赛事片，的确要转换心态，某场赛事嘅某驹曾令阁下有所损失，重看之时亦唔应该带着“有色眼镜”，以及先入为主态度，但凡有关该驹一切，便会睇唔顺眼和主观，建议抱着欣赏心态，可能对阅读赛事时，带来更深了解。

若然以欣赏心态的话，日前举行的沙田锦标，韦达策骑“精彩日子”就系一个好好样办。佢由出闸冇耐，总之“雄心威龙”去边，佢便“捕”在其后，一直冇离开过视线范围，跑至转弯一段，已经慢慢移出上前，最后300米率先发力，拍上嚟但唔够斗，人与马克尽己任，输左亦无话可说。

冰淇淋

怎么是粤语的？看不懂啊，也不会玩赛马

qaz7758258

不错啊 楼主

qaz7758258

不错啊 楼主